ព័ត៌មានទាន់ហេតុការណ៍
 1. នារសៀលនេះ សម្តេចតេជោ និងសម្តេចកិត្តិព្រឹទ្ធបណ្ឌិត នឹងនាំទេយ្យទាន ទៅប្រគេនព្រះសង្ឃ ដែលកំពុងគង់ចូលព្រះវស្សានៅវត្តចំពុះក្អែក  2. សមិទ្ធផលជាច្រើនរបស់រាជរដ្ឋាភិបាល ដែលជាចំណងដៃ ផ្ដល់ជូនប្រជាពលរដ្ឋ ក្នុងស្រុកកំពង់លែង  3. អភិបាលខេត្តព្រះសីហនុ ដឹកនាំមន្ត្រីរាជការ កងកម្លាំងប្រដាប់អាវុធ និងប្រជាពលរដ្ឋចូលរួមដាំកូនកោងកាង ក្នុងស្រុកព្រៃនប់ ជាទីកន្លែងដែលរងការកាប់បំផ្លាញនាពេលកន្លងមក  4. សមត្ថកិច្ចពុំទាន់ស្វែងរកអត្តសញ្ញាណសពស្ត្រីដែលស្លាប់ក្នុងព្រៃ ឯស្រុកពេជ្រាដា បានទេ  5. ឯកឧត្តម វេង សាខុន ចុះពិនិត្យការចិញ្ចឹមសត្វរបស់បងប្អូនប្រជាពលរដ្ឋ នៅក្នុងខេត្តព្រៃវែង

ប្រធានាធិបតីសហរដ្ឋអាមេរិកនឹងធ្វើដំណើរទៅចូលរួមកិច្ចប្រជុំអង្គការ NATO នៅក្នុងទីក្រុងឡុង ចក្រភពអង់គ្លេសនៅចុងឆ្នំានេះ
ថ្ងៃ សៅរ៏ ទី ១៦ ខែ វិច្ឆិកា ឆ្នាំ ២០១៩

សហរដ្ឋអាមេរិក៖ សេតវិមានបានលើកឡើងនៅថ្ងៃសុក្រនេះថា ប្រធានាធិបតីអាមេរិកលោក ដូណាល់ ត្រាំ បានធ្វើដំណើរទៅកាន់ទីក្រុងឡុង ចក្រភពអង់គ្លេស ដើម្បីចូលរួមកិច្ចប្រជុំមេដឹកនំាសន្ធិសញ្ញាអាត្លង់ទិចខាងជើង ហៅកាត់ថា NATO នៅក្នុងខែធ្នូខាងមុខ ។
បើតាមសេចក្តីថ្លែងការណ៍របស់សេតវិមាន លោក ដូណាល់ ត្រាំ នឹងប្រើដំណើរទស្សនកិច្ចដែលបានគ្រោងធ្វើឡើងនៅចន្លោះពីថ្ងៃទី២ ដល់ទី៤ ខែធ្នូខាងមុខ ដើ ម្បីពិនិត្យឡើងវិញនូវដំណើរការចែករំលែកបន្ទុករបស់សម្ព័ន្ធមិត្ត ក៏ដូចជាអំពាវនាវឱ្យសមភាគីរបស់លោក ពង្រឹងការត្រៀមខ្លួនជាពិសេស ក្នុងវិស័យបណ្តាញហេដ្ឋារចនាសម្ព័ន្ធទូរគមនាគមន៍ និង ប្រឆាំងអំពើភេរវកម្មជាដើម ។
គួរបញ្ជាក់ថា ដំណើរទស្សនកិច្ចខាងលើនេះ បានកើតមានឡើងស្របពេលមានភាពតានតឹងរវាងរដ្ឋជាសមាជិកអង្គការ NATO កាន់តែមានលក្ខណៈជាសាធារណៈ ជាពិសេសលើបញ្ហានៃការបែងចែកបន្ទុក ដែលបានធ្វើឱ្យសហរដ្ឋអាមេរិកនិង សមាជិកអឺរ៉ុបប្រឆាំងគ្នាទៅវិញទៅមក ។ តួយ៉ាង លោក ត្រាំ បានអំពាវនាវម្តងហើយម្តងទៀតឱ្យអឺរ៉ុបបង្កើនការចំណាយលើការការពារជាតិរបស់ខ្លួន ខណៈអឺរ៉ុបកំពុងចោទសួរអំពីការប្តេជ្ញាចិត្តរបស់សហរដ្ឋអាមេរិកចំពោះអឺរ៉ុប ៕

 

 

 

 

 


អត្ថបទទាក់ទង