ព័ត៌មានទាន់ហេតុការណ៍
 1. ស្ត្រីជនជាតិកូរ៉េម្នាក់ បានបើករថយន្តក្នុងល្បឿនលឿន ជ្រុលទៅបុកអ្នកជិះម៉ូតូឌុបគ្នាពីរនាក់ បណ្តាលឲ្យស្លាប់ភ្លាមៗ នៅក្នុងខេត្តព្រះវិហារ !  2. អគ្គិភ័យបានឆាបឆេះរថយន្តមួយគ្រឿង រួមនឹងប្រេងឥន្ទនៈពីរប្រភេទ មានចំណុះជិត២ពាន់លីត្រ ត្រូវបានកម្លាំងនគរបាលខេត្តព្រះវិហារ ចុះជួយធ្វើអន្តរាគមន៍  3. កូនសត្វដំរីដែលមន្ត្រីបរិស្ថានក្នុងដែនជម្រកភ្នំព្រេចប្រទះឃើញកាលពីថ្មីៗនេះ បានបាត់បង់ជីវិតហើយ  4. មន្ទីរបរិស្ថានខេត្តសៀមរាប បានសហការជាមួយអង្គការ មូលនិធិបុរាណវិទ្យា និងអភិវឌ្ឍន៍កម្មវិធីភ្នំគូលែន បានចុះទៅឧទ្យានជាតិព្រះជ័យវរ្ម័ន-នរោត្តម «ភ្នំគូលែន» ដេីម្បីពិនិត្យរូបសត្វមករម្យ៉ាង ដែលមិនធ្លាប់ឃើញនៅក្នុងប្រវត្តិសិល្បៈខ្មែរ  5. សម្តេចពិជ័យសេនា ទៀ បាញ់ អញ្ជើញពិនិត្យការ ដ្ឋានសាងសង់ផ្លូវមួយចំនួនដែលអនុវត្តដោយ កងវិស្វកម្មលេខ១៧៨ ស្ពានថ្នល់ ក្រសួងការពារជាតិ ក្នុងខេត្តព្រះសីហនុ

ក្រុមហ៊ុនមហាហង្សទទួលបានសិទ្ធិរយៈពេល៤ឆ្នាំ ដើម្បីជ្រើសរើសស្រីស្អាតតំណាងប្រទេសកម្ពុជា ទៅចូលរួមប្រកួតប្រជែងកម្មវិធីកញ្ញាឯក «Miss Grand International»
ថ្ងៃ អង្គារ ទី ១០ ខែ ធ្នូ ឆ្នាំ ២០១៩

ភ្នំពេញ៖ ប្រធានគណៈកម្មការ «Miss Grand International» ក៏ដូចជាជយលាភីលេខ១ កញ្ញាឯកក្នុងព្រឹត្តិការណ៍ «Miss Grand International» ឆ្នាំ២០១៩ បានធ្វើដំណើរមកកម្ពុជាហើយ នឹងបានធ្វើការប្រគល់សិទ្ធិជូនក្រុមហ៊ុន មហាហង្ស ដើម្បីទទួលជ្រើសរើសតំណាង ចេញទៅប្រកួតរយៈពេល៤ឆ្នាំជាប់ៗគ្នាតែម្ដង ។

ប្រធានគណៈកម្មការ Miss Grand International លោក Nawat បានប្រកាសជាផ្លូវការ ប្រគល់សិទ្ធិឲ្យផលិតកម្មមហាហង្ស ក្លាយជាក្រុមហ៊ុនទទួលសិទ្ធិជ្រើសរើសស្រីស្អាត Miss Grand Cambodia រយៈពេល៤ឆ្នាំ គឺចាប់ពីឆ្នាំ២០២០ដល់ឆ្នាំ២០២៣ ។ លោកប្រាប់មូលហេតុថា ហេតុផលនៃការដកសិទ្ធិពីក្រុមហ៊ុនមុន គឺដោយសារតែក្រុមហ៊ុនមុន មិនបានបញ្ជូន Miss Grand Cambodia ឆ្នាំ២០១៩ ទៅប្រកួតនៅវេណេហ្ស៊ូឡា ធ្វើឲ្យលោកមានការអាក់អន់ចិត្ត ។ លោកបន្តថា ក្រុមហ៊ុនមហាហង្សជំនាញលើទីផ្សារ និងមានស្នាដៃច្រើនលើវិស័យភាពយន្ត និងកិច្ចការសប្បុរសធម៌ ទើបលោកទុកចិត្ត និងធ្វើការប្រគល់សិទ្ធិជូននៅពេលនេះ ។

ដោយឡែកក្រោយពីទទួលបានសិទ្ធិ ក្នុងការជ្រើសរើសកញ្ញាឯករយៈពេល៤ឆ្នាំហើយនោះ លោក អុិន សុភិន អគ្គនាយកក្រុមហ៊ុនមហាហង្ស បានថ្លែងថា ការប្រកួតជ្រើសរើស បេក្ខភាពកញ្ញាឯក នឹងត្រូវចាប់ផ្ដើមពីខែកុម្ភៈ ដើមឆ្នាំ២០២០នេះតទៅ ដោយនឹងជ្រើសយកអ្នកលេខ១ តំណាងខេត្តក្រុងនីមួយៗ រួចហើយ ទើបប្រឡងជ្រើសរើសធំ ដើម្បីស្វែងរកស្រីស្អាតម្នាក់ ដែលស្អាត មានចំណេះដឹង ឲ្យចេញតំណាងកម្ពុជា ទៅប្រកួតលើឆាកអន្តរជាតិ ។

អគ្គនាយកក្រុមហ៊ុនមហាហង្សរូបនេះ បានបន្ថែមថា គណកម្មការអន្តរជាតិ នឹងបញ្ជូនអ្នកជំនាញឲ្យមកបង្វឹក ដល់បេក្ខភាពរបស់យើង នៅពេលដែលរកឃើញអ្នកទទួលជ័យលាភី ដើម្បីឲ្យមានការយល់ដឹងកាន់តែច្រើនបន្ថែមទៀត ក្នុងការដើរម៉ូដ របៀបនៃការដើរ បែបបទនៃការប្រកួត និងការបង្ហាញឈុតផ្សេងៗ ក្នុងពេលប្រកួត ទើបធ្វើឲ្យលោកមិនមានការ ភ័យព្រួយអ្វីឡើយ សម្រាប់បេក្ខនារីតំណាងប្រទេសយើង ចេញទៅប្រកួតនៅក្រៅប្រទេស ។

សូមបញ្ជាក់ថា នៅក្នុងឆ្នាំ២០១៩នេះ បេក្ខនារីដែលតំណាងឲ្យកម្ពុជា ត្រូវចូលរួមប្រកួតព្រឹត្តិការណ៍ «Miss Grand International» នៅប្រទេសវេណេហ្ស៊ូអេឡា គឺបានទៅលើកញ្ញា ដេត ស្រីនាថ ដោយនាងបានត្រៀមលក្ខណៈរួចរាល់ ដើម្បីចេញទៅប្រកួត ។ ប៉ុន្តែកញ្ញា ដេត ស្រីនាថ បានប្រកាសលុបចោលដំណើរនៃការចូលរួមប្រកួត នៅប្រទេសវេណេហ្ស៊ូអេឡា យ៉ាងតក់ក្រហល់ ព្រោះសំអាងទៅលើសុវត្ថិភាព និងអសន្តិសុខចំពោះនាង ហើយក៏មានបេក្ខនារីតាមបណ្ដាប្រទេសមួយចំនួន បានធ្វើពហិកាមិនចូលរួមប្រកួតដូចគ្នា ជាហេតុទើបត្រូវខកខាន ៕ធ.ដ