អាជ្ញាធរឧតុនិយមចិនប្រកាសអាសន្នកម្រិតពណ៌លឿង ចំពោះព្យុះភ្លៀងដែលនឹងបង្កការគំរាមកំហែងនៅតាមខេត្តជាច្រើន
ថ្ងៃ ច័ន្ទ ទី ០៦ ខែ កក្កដា ឆ្នាំ ២០២០

ចិន៖ អាជ្ញាធរឧតុនិយមចិន នៅថ្ងៃចន្ទនេះ បានប្រកាសអាសន្នកម្រិតពណ៌លឿង ចំពោះព្យុះភ្លៀង ស្របពេលដែលគ្រោះធម្មជាតិប្រភេទនេះ កំពុងបន្តបង្កការបំផ្លិចបំផ្លាញនៅតំបន់នានាស្ទើរទូទាំងប្រទេស នេះបើតាមសារព័ត៌មានស៊ីនហួរនៅថ្ងៃ ទី០៦ ខែកក្កដា ឆ្នាំ២០២០ ។

បើតាមមជ្ឈមណ្ឌលឧតុនិយមជាតិចិន ចាប់ពីថ្ងៃទី០៦ ដល់ទី០៧ ខែកក្កដានេះនឹងមានព្យុះភ្លៀងធ្លាក់ខ្លាំងនៅតាមតំបន់មួយចំនួនធំដូចជា សៀហៃ ជាងស៊ូ ជីជាំង អានហ៊ុយ ជាំងស៊ី និងហ៊ូប៉ីជាដើម ហើយថា តំបន់ទាំងនេះនឹងមានបរិមាណទឹកភ្លៀងលើសពី៨០មីលីម៉ែត្រក្នុងមួយម៉ោងអមដោយផ្គររន្ទះ និងខ្យល់បក់ខ្លាំង។

ស្របពេលជាមួយគ្នានេះដែរ អាជ្ញាធរក្នុងតំបន់បានចេញការណែនាំដល់ប្រជាពលរដ្ឋរបស់ខ្លួន ឲ្យបង្កើនការប្រុងប្រយ័ត្នខ្ពស់ ចំពោះគ្រោះទឹកជំនន់ និងគ្រោះរអិលបាក់ដី ដែលអាចបង្កឡើងដោយព្យុះទឹកភ្លៀងក្នុងកម្រិតខ្ពស់មួយនេះ ៕


អត្ថបទទាក់ទង